श्री गणेश चालीसा | Shri Ganesha Chalisa
चालीसा श्री गणेश जी की | Chalisa Shri Ganesha Ji Ki
दोहा
जय गणपति सद्गुणसदन,
कविवर बदन कृपाल ।
विघ्न हरण मंगल करण,
जय जय गिरिजालाल ।।
जय जय जय. गणपति राजू ।
मंगल भरण करण शुभ काजू ।1।
जय गजबदन सदन सुखदाता ।
विश्व विनायक बुद्धि विधाता ।2।
वक्र तुण्ड शुचि शुण्ड सुहावन ।
तिलक त्रिपुण्ड भाल मन भावन ।3।
राजित मणि मुक्तन उर माला ।
स्वर्ण मुकुट शिर नयन विशाला ।4।
पुस्तक पाणि कुठार त्रिशूल ।
मोदक भोग सुगन्धित फुलं ।5।
सुन्दर पीताम्बर तन साजित ।
चरण पादुका मुनि मन राजित ।6।
धनि शिवसुवन षडानन भ्राता।
गौरी ललन विश्व - विधाता ।7।
ऋद्दि सिद्धि तव चँवर सुधारे ।
मूषक वाहन सोहत द्वारे ।8।
कहौं जन्म शुभ कता तुम्हारी ।
अति शुचि पावन मंगल कारी ।9।
एक समय गिरिराज कुमारी ।
पुत्र हेतु तप कीन्हा भारी ।10।
भयो यज्ञ जब पूर्ण अनूपा ।
तब पहुँच्यो तुम धरि द्विज रूपा ।11।
अतिथि - जानि कै गौरी सुखारी ।
बहु विधि सेवा करी तुम्हारी ।12।
अति प्रसन्न है तुम वर दीन्हा ।
मातु पुत्र हित जो तप कीन्हा ।13।
मिलहि पुत्र तुहि बुद्धि विशाला ।
बिना गर्भ धारण यहि काला ।14।
गणनायक गुण ज्ञान निधाना ।
पूजित प्रथम रूप भगवाना ।15।
अस कहि अन्तर्ध्यान रूप ह्वै ।
पलना पर बालक स्वरूप ह्वै ।16।
बनि शिशु रूदन जबहि तुम ठाना ।
लखि मुख सुख नहिं गौरि समाना ।17।
सकल मगन सुख मंगल गावहिं ।
नभ ते सुरन सुमन वर्षावहिं ।18।
शम्भु उमा बहुदान लुटावहिं ।
सुर मुनि जन सुत देखन आवहिं ।19।
लखि अति आनन्द मंगल साजा ।
देखन भी आये शनि राजा ।20।
निज अवगुण गनि शनि मन माहीं ।
बालक देखन चाहत नाहीं ।21।
गिरजा कछु मन भेद बढ़ायो ।
उत्सव मोर न शनि तुहि भायो ।22।
कहन लगे शनि मन सकुचाई ।
का करिहौ शिशु मोहि दिखाई ।23।
नहिं विश्वास उमा कर भयऊ ।
शनि सों बालक देखन कह्वाऊ ।24।
पड़तहिं शनि दृग कोण प्रकाशा ।
बालक शिर इड़ि गयो आकाशा ।25।
गिरजा गिरीं विकल ह्वै धरणी ।
सो दुख दशा गयो नहिं वरणी ।26।
हाहाकार मच्यौ कैलाशा ।
शनि कीन्हों लखि सुत को नाशा ।27।
तुरत गरूड़ चढ़ि विष्णु सिधाये ।
काटि चक्र सो गज शिर लाये ।28।
बालक के धड़ ऊपर धारयो ।
प्राण मंत्र पढ़ शंकर डारयो ।29।
नाम गणेश शम्भु तब कीन्हे ।
प्रथम पूज्य बुद्धि निधि वर दीन्हें ।30।
बुद्धि परीक्शा जब शिव कीन्हा ।
पृथ्वी की प्रदक्शिणा लीन्हा ।31।
चले षडानन भरमि भुलाई ।
रची बैठ तुम बुद्धि उपाई ।32।
चरण मातु - पितु के धर लीन्हें ।
तिनके सात प्रदक्शिण कीन्हे ।33।
धनि गणेश कहि शिव हिय हरषे ।
नभ ते सुरन सुमन बहु बरसे ।34।
तुम्हारी महिमा बुद्धि बड़ाई ।
शेष सहस मुख सकै न गाई ।35।
मै मति हीन मलीन दुखारी ।
करहुँ कौन बिधि विनय तुम्हारी ।36।
भजत रामसुन्दर प्रभुदासा ।
लख प्रयाग ककरा दुर्वासा ।37।
अब प्रभु दया दीन पर कीजै।
अपनी शक्ति भक्ति कुछ दीजै ।38।
श्री गणेश यह चालीसा पाठ करें धर ध्यान ।
नित नव मंगल गृह बसै लहे जगत सन्मान ।39।
संवत् अपन सहस्र दश ऋषि पंचमी दिनेश।
पूरण चालीसा भयो मंगल मूर्ति गणेश ।40।