श्री हनुमान चालीसा | Shri Hanuman Chalisa
चालीसा श्री हनुमान जी की | Chalisa Shri Hanuman Ji Ki
दोहा
श्रीगुरू चरन सरोज रज
निज मनु मुकुरू सुधारि
बरनऊँ रगुबर बिमल जसु
जो दायकु फल चारि।।
बुद्धिहीन तनु जानिके,
सुमिरौ पवनकुमार,
बल बुद्धि विद्या देहू मोहिं
हरू कलेस बिकार
चौपाई
जह हनुमान ज्ञान गन सागर,
जय कपीसु तिहुँ लोक उजागर ।1।
राम दूत अतुलित बल धामा,
अंजनि पुत्र पवनसुत नामा ।2।
महावीर विक्रम बजरंगी,
कुमति निवार सुमति के संगी।3।
कंचन बरन बिराज सुबेसा,
कानन कुण्डल कुंचित केसा।4।
हाथ बज्र औ ध्वजा बिराजै,
काँधे मूँज जनेऊ साजै ।5।
संकर सुवन केसरी नंदन,
तेज प्रताप महा जग वंदन ।6।
विद्यावान गुनी अति चातुर,
राम काज करिबे को आतुर ।7।
प्रभु चरित्र सुनिबे को रसिया,
राम लखन सीता मन बसिया ।8।
सूक्ष्म रूप धरि सियहिं दिखावा,
बिकट रूप धरि लंक जरावा ।9।
भीम रूप धरि असुर संहारे,
रामचंद्र के काज सँवारे ।10।
लाय सजीवन लखन जियाये,
श्री रघुबीर हरषि उर लाये ।11।
रघुपति कीन्ही बहुत बड़ाई,
तुम मम् प्रिय भरतहिं सम भाई ।12।
सहस बदन तुम्हरो जस गावैं,
अस कहि श्रीपति कंछ लगावैं ।13।
सनकादिक ब्रम्हादि मुनीसा,
नारद सारद सहित अहीसा ।14।
जम कुबेर दिगपाल जहाँ ते,
कवि कोबिद कहि सके कहाँ ते।15।
तुम उपकार सुग्रीवहिं कीन्हा,
राम मिलाय राज पद दीन्हा ।16।
तुम्हरो मंत्र बिभीषन माना,
लंकेस्वर भए सब जग जाना ।17।
जुग सहस्र जोजन पर भानू ,
लील्यो ताहि मधुर फल जानू ।18।
प्रभु मुद्रिका मेलि मुख माहीं,
जलधि लाँघि गये अचरज नाहीं ।19।
दुर्गम काज जगत के जेते,
सुगम अनुग्रह तुम्हरे तेते ।20।
राम दुआरे तुम रखवारे,
होत न आज्ञा बिनु पैसारे ।21।
सब सुख लहै तुम्हारी सरना,
तुम रच्छक काहू को डरना ।22।
आपन तेज सम्हारौ आपै,
तीनों लोक हाँक तें काँपैं ।23।
भूत पिसाच निकट नहिं आवैं,
महावीर जब नाम सुनावैं ।24।
नासे रोग हरै सब पीरा,
जपत निरंतर हनुमत बीरा ।25।
संकट तें हनुमान छुड़ावै,
मन क्रम बचन ध्यान जो लावैं ।26।
सब पर राम परस्तवी राजा,
तिन के काज सकल तुम साजा ।27।
और मनोरथ जो कोई लावै,
सोई अमित जीवन फल पावैं ।28।
चारों जुग परताप तुम्हारा,
है परसिद्धि जगत उजियारा ।29।
साधु संत के तुम रखवारे,
असुर निकंदन राम दुलारे ।30।
अष्ट सिद्धि नौ निधि के दाता,
अस बर दीन जानकी माता ।31।
राम रसायन तुम्हरे पासा,
सदा रहो रघुपति के दासा ।32।
तुम्हरे भजन राम को पावै,
जनम जनम के दुख बिसरावैं ।33।
अंत काल रघुबर पुर जाई,
जहाँ जन्म हरिभक्त कहाई ।34।
और देवता चित्त न धरई,
हनुमत सेई सर्ब सुख करई ।35।
संकट कटै मिटै सब पीरा,
जौ सुमिरै हनुमत बलबीरा ।36।
जै जै जै हनुमान गोसांई,
कृपा करहु गुरू देव की नांई ।37।
जो सत बार पाठ कर कोई,
छूटहि बंदि महा सुख होई ।38।
जो यह पढ़ै हनुमान चलीसा,
होय सिद्धि साखी गौरीसा ।39।
तुलसीदास सदा हरि चेरा,
कीजै नाथ हृदय मँह डेरा ।40।
दोहा
पवनतनय संकट हरम.
मंगल मुरति रूप ।
राम लखन सीता सहित,
हृदय बसहु सुर भूप ।।
** सियावर रामचन्द्र की जय **
** पवनसुत हनुमान की जय **
** उमापति महादेव की जय **
अन्य आरती